Вандали демолирале автобус на ЈСП

Вандали демолирале автобус на ЈСП, по што се симнале на една од постојките и избегале. Како што информираат од полицијата, цел на насилниците бил градскиот автобус со број „2“.

Во неделата околу 21 часот, група дваесетина лица упаднале во автобусот што се движел од Автокоманда кон Топаанско Поле. Го оштетиле покривот на автобусот, металниот држач, како и задното стоп-светло. Групата се симнала на една од постојките и избегала. (Х.Р.)