Кој ги каменува возовите?

ТЕТОВО - Дури шест пати во изминатите месеци од годинава е регистрирано каменување на возот Скопје - Кичево и обратно. Последното се случило викендов во близина на Долно Орашје и притоа било скршено прозорско стакло на локомотивата на патничкиот воз 6905. Не се забележани последици за персоналот на возовите и за патниците, но, затоа, пак, е причинета голема материјална штета на и онака старите и дотраени вагони на „Македонски железници“.

Од СВР - Тетово информираат дека забележани биле и неколку случаи на поставување препреки од камења или други предмети на шините. Според сознанија на полицијата, каменувањата и поставувањата препреки најверојатно се дело на малолетници, но досега не се откриени конкретни сторители. (Г.Е.)