Што прават денеска
 Лила М. Стојановска
ТВ-водителка
Наближува денот на кој се радувам - денот за тргнување на одмор. Во среда тргнувам кон Дубровник, од каде што всушност ќе ја почнам мојата летна одморска турнеја по Хрватска. Денеска е ден за подготовки и измислување на сто нови „дилеми“ пред поаѓање на пат.
 Весна Димитровска
актерка
Ова се денови на големи христијански празници - вчера Петровден, денес Павловден. Утринава одам на причест, па потоа се фаќам за работа. Во интензивни подготовки сум за почеток на снимањето на играно- документарниот филм за животот на Богородица, што планирам да го започнам за 2-3 седмици.
 Драган Ѓуровски - Роки
музичар
Понеделник за нас музичарите е ден за одмор. По интензивно работниот викенд со свирки, денеска немам во план никакви работни активности. Всушност, во план ми е само одмор. А оној „големиот одмор“ останува како „проекција“ за втората половина на август.
| 
