Автомобил усмрти велосипедист

Осумдесетгодишниот Томислав Ш. од гевгелиското село Стојаково загина во сообраќајна несреќа што се случи во понеделникот околу 14,40 часот кај Вардарски Рид на автопатот Гевгелија - Скопје. Според МВР, автомобил „мерцедес“, управуван од 26-годишен струмичанец удрил во 80-годишниот велосипедист, кој од здобиените повреди починал на самото место. Полицијата ги истражува причините за несреќата. (Г.А.)