Мерачи на бучава во Охрид

ОХРИД - Локалната власт системски ќе се справува со бучавата. Акцискиот план е изготвен во соработка со Друштвото за еколошки консалтинг од Скопје, а се однесува на проблемот со бучавата со кој се соочуваат граѓаните на Охрид, особено во летниот период.

Најзагрозени со бучава се централното јадро, односно стариот дел, околината на Градскиот плоштад и деловите покрај булеварот „Туристичка“. На повеќе локации е предвидено поставување постојани мерачи на бучавоста.

Има најразновидни причина за недозволеното ниво на бучава, од непочитувањето на законските одредби од сопствениците на угостителските објекти, преку несоодветна звучна изолација, непочитување на еколошките стандарди, се' до несовесното однесување на поединци. Граѓаните се жалат на бучавата од кафулињата, кои според спроведените мерења, без исклучок ја надминуваат горната дозволена граница од 55 децибели.

За подобрување на состојбата се предвидуваат серија мерки, и тоа регулирање на работното време на угостителските објекти, плажите. Потоа пренамена на угостителски објекти во стариот дел на градот и градското јадро, нивна дислокација, како и повеќе инфраструктур��и проекти со кои би се намалила бучавоста.

И самите угостители укажуваат на комплексноста на проблематиката, забележувајќи дека скратувањето на работното време не е решение за проблемот. (Д.Р.)