Повреда на актер ја одложи премиерата на „Мара/Сад“
Премиерата на претставата „Мара/Сад“ која вчера требаше да се одржи во рамките на МОТ е одложена поради повреда на главниот актер во претставата, Јордан Симонов. Повредата на актерот се случила при пад од височина за време на генералната проба на претставата во четвртокот вечерта. Инаку, Јордан Симонов игра двојна, комплексна улога во претставата, толкувајќи ги истовремено ликовите на Жан Пол Мара и на Маркиз Де Сад.
Претставата е одложена на неопределено време, до закрепнувањето на актерот, а новиот термин на премиерната изведба ќе биде дополнително соопштен. (К.Р.) |
