Седуммина загинаа од експлозија на автомобил-бомба

ФАЛУЏА – Напаѓач-самоубиец со автомобил-бомба уби најмалку седуммина, а десетици се повредени во близина на владини претставништва во претежно сунитскиот ирачки град Рамади, додека политичките лидери се обидуваат да формираат нова влада. Официјални претставници јавија дека загинале 13 луѓе, а 57 биле повредени во експлозијата што се случи во западната провинција Анбар, некогашно упориште на исламистичката милитантна група Ал Каеда. Хикмет Калаф, заменик-гувернер на Анбар, јави дека експлозијата во центарот на Рамади, сто километри западно од Багдад, погодила комплекс во кој е сместен провинцискиот совет.

„Експлозијата се случи на полна крстосница. Минуваа цивилни возила, а, исто така, тука е влезот во главните владини претставништва“, рече Калаф, кој јави за седуммина загинати и 25 повредени. „Билансот на жртвите би можел да се зголеми, бидејќи има критично повредени луѓе“. (Ројтерс)