Клод Моне - најпосетена изложба во последните 40 години

Во изминатите четири години во Париз делата на мајсторот ги виделе 913.064 посетители

ПАРИЗ - Големата ретроспективна изложба на светски познатиот импресионист Клод Моне (1840 -1926) што во музејот „Гран Пале“ во Париз, на Елисејските полиња по четиригодишно одржување беше затворена завчера, се смета за најпосетена изложба во последните 40 години во Франција.

Ја виделе вкупно 913.064 посетители, а досега поголем број посетители 1, 2 милиони има евидентирано само изложбата посветена на фараонот Тутанкамон, што во 1967 година, во траење од шест години се одржала во Пети Пале. На најкомплетната поставка на изложбата од 1980 година, посветена на Моне, беа прикажани 170 слики што големиот мајстор ги создавал 60 години, во текот на 1860-тите години, од периодот на реализмот до почетокот на импресионизмот на почетокот на 20 -тиот век.

Посетителите имале можност да ги видат ремек-делата на Моне „Лотосови цветови”, „Катедралата во Руан” и „Полето со афион во Аржентеј”.Организаторите на изложбата успеале од музејот на Пушкин во Москва, да го позајмат делот�� на Моне „Појадок на трева”, а од Метрополитен во Њујорк делото „Терасата во Сент Адрес”. Околу две третини од делата биле дел од десеттина странски музеи и уметнички колекции од различни земји меѓу кои и од САД, Австралија, Русија и Бразил.

Иако во јавноста и меѓу критичарите беше оценета како голем успех, изложбата не можеле да ја заобиколат контроверзи. Имено, музејот Мармотан, кој содржи повеќе дела од Моне, вклучувајќи и неколку студии за серијата „Лотосови светови“ и познатата „Импресија: Изгрејсонце” од 1872 година, според која импресионизмот го добил името, одбил да позајми каква било слика, бидејќи паралелно организирал долго време планирана изложба.

Меѓу најпосетените изложби во главниот град на Франција се вбројува и изложбата „Пикасо и мајсторите”, но неа пред две години ја виделе 780.000 луѓе. (Танјуг)