Турски фирми ќе инвестираат во Грција и во Романија

Истанбул - Турските фирми во текот на оваа година планираат значително да ги зголемат своите инвестиции во земјите од Југоисточна Европа, кои се најсериозно погодени од економската криза, како што се Грција и Романија, објави турскиот информативен сајт „Ворлд билтен“.

Шефот на Одделот за институционално финансирање на консултанската компанија „Ернст енд Јанг“, Мусфик Кантенкинлер, вели дека повеќето од инвестициите на турските фирми во странство ќе бидат реали��ирани во соседните региони на Турција, пред се', во балканските земји.

Според него, турските инвеститори најголем интерес пројавуваат за мали и за средни инвестиции, во износ меѓу 50 и 150 милиони долари и тоа,пред се', земји како што се Грција и Романија.

„Турските фирми сакаат да инвестираат во странство во секторите за недвижности, градежни материјали и компоненти, прехрана и телекомуникации“, дополни Кантенкинлер.

Според оцените на „Ернст енд Јанг“, во првите шест месеци од годинава фирмите од Турција во странство инвестирале седум милијарди долари, додека до крајот на 2011 се очекува турските директни странски инвестиции да достигнат најмногу 20 милијарди долари.

Во почетокот на годината оваа консултантска куќа предвидуваше дека турските компании годинава во странство ќе инвестираат меѓу 25 и 30 милијарди долари. (МИА)