38. Светска галерија на карикатури

На годинашнава Светска галерија на карикатури учествуваа околу 350 уметници со 750 карикатури од 51 држава од светот.

Вечерва во 20.20 часот во галеријата на „Остен“ ќе биде отворена 38 Светска галерија на уметноста на хартија – Светска галерија на карикатури Скопје 2010.

Светската галерија на карикатури со своја реч ќе ја отвори Раде Силјан, поет, претседател на Друштвото на писателите на Македонија, годинашен добитник на државната награда „11 Октомври“, кој воедно и ќе им ги врачи наградите и признанијата на уметниците.

Гран При наградата за животно дело се состои од бронзена скулптура, паричен износ од 5000 долари и повелба на Остен.

Првата награда се состои од паричен износ од 1000 долари и повелба, а специјалната награда се состои од специјална повелба на Остен. (К.Р.)