Лошата кохабитација минус за Македонија пред ЕУ

Сите медиуми во Македонија го следат и го констатираат хроничниот проблем на недостиг од „нормална“ кохабитација меѓу премиерот и претседателот на државава. Проблемите на кохабитацијата, според медиумите, претставуваат само уште еден минус за Македонија пред ЕУ. За повеќето медиуми тоа е доказ дека постојат пропусти во функционирањето на институциите.

Односите премиер - претседател се разгледуваат и во контекст на однесувањето на Мендух Тачи. Неговото поведение во македонската политика се одразува и врз позицијата на премиерот Груевски и врз позицијата на претседателот Црвенковски. Притоа, поени добива Црвенковски, а губи Груевски. (П.Р.)