Превозот на опасни материи ставен во законски рамки

Владата на последната седница го усвои Предлог-законот за превоз на опасни материи во патниот и во железничкиот сообраќај, со кој се воведуваат мерки за стимулирање на безбедноста при превоз на опасни материи и се зајакнуваат инспекцискиот надзор и казнените мерки на одделни видови прекршоци. Како што информираше владиниот портпарол Ивица Боцевски, според Предлог-законот, учесниците во превозот на опасни материи ќе треба да назначат едно или повеќе стручно оспособени лица, советници за безбедност при превозот на опасни материи. (МИА)