Денови на македонскиот етнолошки филм
Денес и утре, со почеток во 11 часот во кино салата на Музејот на Македонија ќе се одржи ревијата Денови на етнолошкиот филм, посветена на домашните автори кои и ќе бидат присутни на проекциите.
Деновите се отвораат со „Добри сме досега“, чиј сценарист, камерман и режисер е етнологот Владимир Боцев, а монтажер е Бранко Ристовски. Филмот досега е прикажан во Загреб и на фестивалите во Љубљана, Москва, Нуоро и Белград. Режисер на филмот „Традиционалниот риболов на Охридското езеро“, кој публиката ќе може да го види утре, е Рубин Земон. Автор на сценариото е етнологот, Марија Каневче, камерман Сашо Цингулоски, а монтажер Петар Алексоски. По него ќе биде прикажан и третиот, „Бекташи - влези и види“, чиј автор на сценариото и режисер е етнологот Елизабета Конеска, снимател Роберт Јанкулоски, а монтажер Блаже Дулев. Прикажан е во Белград, Грегинок, Истанбул, Љубљана, Париз, Софија. (К.Б.) |
