Хајдер бил убиен, тврдат во "Фолксваген"
Тие се толку сигурни во перформансите на автомобилот на Хајдер, нивното производство и моделот "фетон"
ВИЕНА - Иако полициските иследници потврдија дека причините за несреќата во која загина Јерг Хајдер се двојно поголемата брзина од дозволената и 1,88 промили алкохол во крвта на австрискиот политичар, сепак тимот на "Фолксваген" кој го прегледа автомобилот "фолксваген фатон" тврди дека непозната личност можела да изврши саботажа на автомобилот за да загине Хајдер.
Во "Фолксваген" се толку сигурни во перформансите на автомобилот на Хајдер, нивното производство и моделот "фетон", што дури испратија свои експерти да го прегледаат автомобилот и да побараат знаци на саботажа. За серијата автомобили "фетон" тврдат дека е една од најсигурните во светот и дека Хајдер би требало да ја преживее несреќата со таа брзина. Имено, "Сан" ја пренесува изјавата на портпаролот на "Фолксваген" Питер Тул. Во разговорот тој е запрашан зошто "Фолксваген" испратил тројца експерти кои би требало да ја објаснат причината за несреќата.
"Кога ќе загине позната личност во еден од нашите автомобили, сакаме да знаеме што се случило. Особено затоа што се работи за случај во кој не се разјаснети сите причини. Многу работи потсетуваат на смртта на Леди Дијана", рече тој. На прашањето што мисли со тоа дека "не се разјаснети сите причини" портпаролот одговара: "Факт е дека Хајдер возел пребрзо. Не сакам да охрабрувам пребрзо возење, но во свиокот во кој се случила несреќата, од аспект на возење, брзината што се наведува не е проблем. Не можеме да објасниме зошто се случила несреќата". "Фолксваген" исклучува можност за саботажа а Тул вели дека едноставно нема најави. "Нашите експерти немаат пристап до автомобилот бидејќи тој е во сопственост на државното обвинителство. Откако ќе го добиеме ќе го испитуваме автомобилот толку долго додека не дознаеме што се случило". На прашањето дали е можно некој да манипулирал со електроника тој вели: "За такво нешто би бил потребен клуч. 'Фатон' покрај 'ауди А8' е најдобро осигурен автомобил на пазарот. Во мешањето со електрониката би морал да биде вмешан механичар". (Вјести)
|
