„Комунална хигиена“ ангажира 12 лица за секундарна селекција на отпадот на депонијата „Дрисла“. Вработените ќе ја одвојуваат ПЕТ амбалажата - пластиката, хартијата и металот од другиот отпад. Пластиката ќе се продава на избрани фирми, додека хартијата ќе заврши во фабриката за преработка „Комуна“. Според податоците на „Комунална“, на депонијата „Дрисла“ дневно завршуваат над четири тони ПЕТ- амбалажа, заради што во иднина размислуваат и за зголемување на бројот на селектирачите. За таа намена веќе се изградени настрешници и боксови за сместување на селектираниот отпад. (С.Н.)
