Бензините поевтини за 1,5 денари

Бензините од денеска поевтинуваат за 1,5 денар по литар, а цената на дизел-горивото останува иста, одлучи вчера Регулаторната комисија за енергетика. Според одлуката, се врши намалување на рафинериските и на малопродажните цени на нафтените деривати во просек за 1,56, односно за 0,70 отсто.Новата цена на ЕУРОСУПЕР БС-95 ќе изнесува 62,50, а на ЕУРОСУПЕР БС-98 64 денари за литар. Цената на ЕУРОДИЗЕЛ (Д-Е В) останува иста, односно 50 денари за литар, додека цената на екстра лесното за домаќинство (ЕЛ-1) се намалува за 0,50 денари и ќе изнесува 38,50 денари за литар. (МИА)