Ново заострување меѓу двете Кореи
Сеул - Северна Кореја им нареди на сите работници од Јужна Кореја за 72 часа да го напуштат заедничкото корејско одморалиште. Претставник на севернокорејските туристички власти изјави дека Пјонгјанг, исто така, забранил префрлање на јужнокорејските сметки од заедничкото одморалиште, кое се наоѓа во Северна Кореја, познато како Дијамантска Планина. Одморалиштето се наоѓа северно од меѓукорејската граница, на источното крајбрежје на Корејскиот Полуостров.
Одморалиштето, кое досега беше управувано од двете држави, се сметаше за симбол на двете корејски држави по војната на Корејскиот Полуостров во 50-тите години од минатиот век. Тоа беше отворено во 1998 година, но десет години подоцна престана да функционира, откако јужнокорејска туристка беше убиена од севернокорејски војник. Посетите на Јужнокорејците на одморалиштето беше единствена можност за нив да стапнат на територијата на Северна Кореја. Овие туристички патувања на Пјонгјанг му донесоа милиони долари. (МИА)
|
