Кели Престон

Скиентологијата ми го спаси животот

Додека на некои косата им се крева од скиентологијата и нејзините принципи, 48-годишната актерка Кели Престон во своето последно интервју признава дека таа и' го спасила животот.

По трагичната загуба на синот Џет, пред две години, Кели и нејзиниот сопруг Џон Траволта се повлекоа во осама со блиските членови на семејството и пријателите и се обидуваа на сите начини да си ја убла��ат болката. Светлина во мракот беше раѓањето на третото дете, синот Бенџамин, кој дојде на свет во ноември минатата година.

„Бенџамин беше голема утеха, но најмногу ни помогна скиентолошкиот центар. Не знам дали ќе преживеев без нивните совети и помош“, вели Престон, додавајќи дека во животот најдрага и' е улогата на мајка.

„Откако знам за себе, посакував да имам деца. И кога заработував илјадници долари за снимање реклами, чував деца на час, зашто го сакав тоа“, открива актерката, која пораснала на Хаваите во еден вид хипи-заедница.

„Имав многу либерално детство. Марихуаната во моето семејство не се сметаше за тешка дрога. Денес веќе не пијам, не пушам, а сето тоа го правев. Скиентологијата ме ослободи од сите пороци“, тврди Кели.