Utrinski Vesnik

Број 2809 сабота, 11 октомври 2008

прва страница

Архива

Хроника

Тинејџерката од Прилеп излезе од болница и пак се фрла под автобус

Институциите не го решија проблемот. Таа неодамна беше пуштена од лекување, но никој не знае зошто

Моника Талеска

ПРИЛЕП - Тинејџерката од Прилеп,16-годишна ученичка во прва година средно образование и натаму продолжува со своите самоубиствени напади, иако еден месец беше сместена во Невропсихијатриската болница во Скопје, под интензивен лекарски надзор. На 6 октомври, нејзиниот лекарски третман завршил и, според информациите, е вратена во Прилеп. Но, не е решен ниту нејзиниот здравствен проблем ниту проблемот што им го создава на вработените во Институтот за тутун. А, најголем проблем, се чини, е тоа што никој не се чувствува надлежен да стави крај на оваа хорор-приказна и да го излечи девојчето, кое според медицинските експерти во Прилеп има повеќе психички отколку психијатриски пречки.

„Повторно истиот кошмар. Еден месец бевме раат, сега пак се повторува истото. Истрчува пред автобус на места каде што не може човек да ја види. Со страв влегувам во автобусот, нозете ми се тресат. Секаде побаравме помош и пак се случува истото тоа. Во полиција ми рекоа дека ако нешто лошо се случи, јас ќе бидам виновен, а еве секаде интервенирам, барам помош, но резултат нема“, вели возачот Димче Китанов.

Вознемирени се и вработените кои секој ден по две пати патуваат со истиот возач. „Ова веќе не се издржува. Цела година истата драма. Цело време сме во исчекување и страв дека ќе излезе од некој агол. Ја информиравме полицијата, баба и', Центарот за социјална работа и пак никој не го решава проблемот. А, што ако се случи трагедија. Зошто ни крив, ни должен, возачот да биде виновен“, велат работничките од Институтот.

Девојчето постојано повторува дека сака да биде прегазено од Диме возачот, на што надлежните одговараат дека се немоќни да преземат нешто за да го решат проблемот.

Девојчето е психофизички здрава и нормална личност, велат надлежните. Тие додаваат дека побарале стручна помош за малолетничката, поради што таа била испратена на третман во Невропсихијатриската болница во Скопје. Невропсихијатрите сметаат дека проблемот со тинејџерката треба да се решава внимателно. „Девојчето најпрвин треба да биде сместено во одредена институција каде што неколку месеци ќе биде под стручен надзор на тим од психолог и социјален работник. Ако постојаната работа не даде плод, тогаш може да се размислува за посмели чекори“, велат медицинските стручњаци. Додека државата одлучи што натаму, вработените во Институтот живеат во секојдневен страв.

Статијата е прочитана 2246 пати.

Испрати коментар

Од: Bambi
Датум: 11.10.2008 02:45:49

„Девојчето е психофизички здрава и нормална личност, велат надлежните.“ Како може да е девојчето психофизички здрава и нормална? А 100 пати се фрла пред автобус. Ма изгледа и сите надлежни се психофизички нездрави и ненормални личности. Превземете нешто дури девојчето е живо, а и дури возачот сеуште може да спие мирно зашто тоа е дете, по своја вина или не ако ја згази едно што кривично ке одговара друго и цел живот на душа ке ја носи.

Од: commanddevil
Датум: 11.10.2008 10:22:51

Pa koga ke vidis kakvi lugje ne vodat i seuste gi tretirame kaKO ZDRAVI,KOGA KE VIDIS DEKA TIE CELA NACIJA,DRZAVA,IDNINA ja stavaat pod trkala na istorijata-ova dete e i prezdravo. ako toa treba da se rece deka e psihicki bolno-sto so ovie politicarski poltroni?

Од: profesor
Датум: 11.10.2008 10:30:47

na devojceto mu trteba zdrav ritam medju tinejzderi zosto ne go smestat vo dom za deca vo skopje?ima dobri uslovi samoto toa sto zivee so baba e nakonski i cen za soc raboti vo takov slucaj mora vednas da go stavi vo dom sto so toa ima tamu strucni lica pedagozi,psiholozi i detoto medju tinajdzeri ce se identifikuva sebesi a ne cel den da zivee so starci izolirano pa bilo koj mlad vo takvi uslovi da zivee ce mu8 pukne filmot.

Од: od dr Agim
Датум: 11.10.2008 10:39:15

Reshenieto na problemot e lesen i prost. Ako na devojceto i e fiksirano vo umot deka treba da bide pregazena od avtbusot na Dime shoferot togash menjajte go i avtobusot i dime shoferot.

Од: svetlana
Датум: 11.10.2008 12:30:27

dobro e sto imame tolku spremna policija megutoa dali postoi sansi taa tolku zdrava psihicki da e clen na nekoja sekta koja i nalozuva takvo nesto i ke go zeme na dusa covekot ili pak zosto dimce ne ja pobara i razgovara so neze da vidi zosto taa saka da bide pregazena tokmu od nego da ne ima nekoi nerascisteni raboti od minatoto pred taa da se rodi pa nekoj taka i kazal da mozebi pokusuva da se odmazdi

Од: mile
Датум: 11.10.2008 19:03:59

dali nekoj se prashal zoshto devojcheto saka da bide pregazeno od toj shofer dime

Од: mk
Датум: 11.10.2008 22:54:09

Roditelite kade se? Kaj mladi lugje so samoubistveni nagoni prvo se bara familijarna istorija-dali imalo samoubistva vo familijata no najmnogu od se' kakvi se odnosite vo familijata, dali ima nedostatok od roditelska figura, dali funkcionira familijata na normalen nacin - mnogu cesto patologijata e vo toa pole. Sekako treba dolgorocen psiholoski a i medikamenten tretman. Mesec dena e nedovolno.

Од: Leni
Датум: 12.10.2008 08:36:38

Devojceto si ima mentalen problem,mozebi e klinicna depresija,probajte da go resite slucajot dodeka seuste ne e kasno.

Од: zabegan
Датум: 12.10.2008 13:25:02

se slagam so MILE dali nekoj tocno se pozanimaval zosto devojceto bara da bide pregazeno samo od ovoj vozac.ako istoto imalo nagon za samo ubistvo nema da bira koj da go pregai.ovde nesto ne e cisto no kaj se nadleznite organi da go resat ovoj slucaj.