Лејкерси ја прекинаа низата од три порази

Бранителот на ��итулата во НБА лигата, Лос Анџелес Лејкерс, ја прекинаа низата од три порази со гостинска победа кај Њу Орлеанс со 103:88. Уште на полувреме „езерџиите“ имаа големи 18 коша предност и триумфот во ниту еден момент не им беше загрозен. Ламар Одом не беше дел од стартната петорка на лејкерси, но на крајот беше нивни најдобар стрелец со 24 поени. Наместо него мечот го почна Ендрју Бинам, кој во воведниот дел од сезоната закрепнуваше од повреда и беше негова достојна замена (постигна 18 коша). Лидерот на тимот, Коби Брајант, реализира 20 коша, предводник на хорнетси беше Крис Пол со 20 коша и седум асистенции.

Резултати: Атланта - Голден Стејт 103:93, Шарлот - Кливленд 101:92, Вашингтон - Индијана 104:90, Детроит - Бостон 104:92, Минесота - Денвер 113:119, Њу Орлеанс - Лос Анџелес Лејкерс 88:103, Оклахома - Њу Џерси 114:93, Хјустон - Мајами 119:125, Феникс - Филаделфија 110:123, Сакраменто - Мемфис 100:98, Лос Анџелес Клиперс - Јута 95:103.