Наредната година ќе закрепнеме

Позитивните показатели што доаѓаат во последните месеци од статистиката, како што се раст на извозот и увозот, на девизните резерви, како и падот на каматните стапки, според премиерот Никола Груевски, покажуваат дека има позитивни придвижувања во сите области, а дополнителен сигнал е и тоа што приходите во буџетот ги надминуваат очекувањата.

„Тоа покажува дека кризата полека го губи здивот и следната 2011 ќе биде година на повидливо и позначајно заздравување од светската економска криза. Веќе во 2012 година се надевам дека земјата ќе се врати на старите патеки на висок економски раст како што беше пред почетокот на кризата“, изјави Груевски. Тој изрази задоволство што во последно време има се' поголем интерес од страна на инвеститорите за вложување во земјава . „Мислам дека инвеститорите ќе почнат да се враќаат со позначителни износи за инвестиции во Македонија.“, изјави премиерот.