Рушити предизвикал инциденти, тврди ДУИ
ДУИ вчера објави листа на триесетина активисти на ДПА за кои тврди дека за време на изборите во неделата предизвикувале инциденти во Гостиварскиот регион.
Според интегративците, овие, како што ги нарече милитанти на ДПА, вршеле изборни насилства, полнеле кутии и го попречувале изборниот процес во неколку гостиварските села и тоа Горна Бањица, Чегране, Чајле и Форино.
Во списокот на насилниците го има и министерот за образование Сулејман Рушити, кој предизвикувал инциденти во Чајле, а евидентирани се и заменик-началникот на полициската станица во Чегране и уште неколку други полицајци. (Св.У.) |
