„Нестле“ го купи српски „Центропроизвод“
Белград - „Нестле“ објави дека постигна договор за преземање на работењето на „Центропроизвод“, еден од најголемите производители на храна во Србија.
Купен е асортиманот за кулинарство на „Центропроизвод“, напивки и кондиторски производи.
Се очекува дека во 2011 година продажбата ќе достигне износ од 25 милиони евра. Условите на трансакцијата, кои се предмет на правно одобрување, се' уште не се познати. Трансакцијата, исто така, ја опфаќа и фабриката на „Центропроизвод“ во Сурчин.
Марко Травалија, претседател на Управниот одбор на „Нестле Адријатик“, смета дека тој потег е стратегиски и ќе го зајакне присуството на компанијата во регионот. „Оваа аквизиција е стратегиски потег што ќе го зајакне присуството на компанијата ’Нестле‘ во регионот. Портфолиото на ’Центропроизвод‘ е многу слично на нашето, а локалното производство во сурчинската фабрика со сите свои можности за дистрибуција претставува голема вредност за нас”, истакна Травалија. (Ек.Р.) |
