Фатени тројца разбојници во Скопје

Скопската полиција уапси тројца разбојници што ограбиле скопјанец заканувајќи му се со пиштол. Против лицата С.Б. (26), С.Л. (29) и Ф.Е. (26) е поднесена кривична пријава поради кражба. Тие во понеделникот украле 50 евра и 3.550 денари од стан на улицата „Методија Митевски“.

Разбојниците тропнале на влезната врата на станот на З.М. и му побарале пари. „С.Б. со пиштол му се заканил на З.М., а потоа го удрил в лице ��о нога, со намера да го присили да им даде пари“, информираат од МВР. Додека С.Б. и' се заканувал на својата жртва, другите двајца го пребарале станот. Парите што ги пронашле ги ставиле на маса, а на З.М. му рекле дека планираат да дојдат повторно, при што побарале од него да обезбеди 2.000 евра. По ова, разбојниците си заминале.

По извршен увид и по преземените оперативни мерки, полицијата го утврди идентитетот на разбојниците. Тие биле приведени во полициска станица, а при претрес на едниот од нив, биле пронајдени украдените пари.

Истражен судија им одреди мерка притвор по 30 дена. (Љ.С.)