Европската комисија вчера ја одобри ��тората транша од заемот за Грција.
Портпаролот на ЕК, Амадеу Алтафаж, истакна дека Атина ги исполнила неопходните услови за заздравување на буџетот и за излез од економската криза. „Намалувањето на буџетскиот дефицит се одвива со побрзо темпо од планираното, добро се спроведуваат структурните реформи, што се клучен елемент за добивањето на заемот“, потенцира Алтафаж, додавајќи дека Атина ќе ги добие парите наскоро. Коментирајќи ги штрајковите во Грција, тој истакна дека се разбирливи социјалните тензии, но оти реформите во пензискиот систем и мерките во државната администрација се инвестиција во иднината на земјата. Втората транша од заемот изнесува 9 милијарди евра од вкупно предвидените 110 милијарди евра, кои и' ги доделуваат земјите-членки од еврозоната и од Меѓународниот монетарен фонд на Грција. Од деветте милијарди евра, земјите-членки на еврозоната ќе обезбедат 6,5 милијарди, а ММФ 2,5 милијарди евра. (МИА)
