Нов изглед за запуштеното Тумбе-кафе
БИТОЛА – Тумбе-кафе може да се обнови само со промена на Деталниот урбанистички план. Едно од најпосетуваните излетнички места во околината на Битола долго време е запуштено и оставено на забот на времето. Неколкумина битолски архитекти изработија комплетни проекти за обнова на ридот, но засега лежат по фиоки. Локалната власт од Битола најавува комплетно нова слика на Тумбе-кафе.
„Објектите се запоставени, но сега се изготвува ДУП. Без планот не смееме градежно да интервенираме. Со урбанистичките измени ќе може да се прифатат поранешните понудени проекти до Општината. Ќе побараме и нови проекти за реновирање на Тумбе-кафе“, најави градоначалникот Владимир Талески.
Пред можноста за целосна промена на изгледот на ридот, кој влегува во туристичката мапа на Битола, во почеток ќе се обновува трим-патеката. (А.Б.)
|
