Нова видеографија на Србија во Сули-ан

Вечерва на програмата на „Скопско лето“ е концерт на дуото сопрани, Нада Талевска и Марија Наумовска, во пијано придружба на Андреја Наунов, како и презентацијата на новата видеографска продукција на Србија.

Во Музејот на град Скопје концертот ќе започне во 20,30 часот, а на програмата се дела од В. А . Моцарт, Г. Доницети, Ф. Менделсон, Џ. Пучини, Ф. Менделсон,

П. Крстиќ, Ф. Менделсон, Р. Аврамовски, Ш. Гуно, Џ. Верди, Ј. Штраус.

Нада Талевска дипломирала на ФМУ во Скопје во класата на проф. Марија Наумовска –Муратовска. Досега учествувала во оперите „Кармина Бурана“, „Аида“ и во „Волшебната флејта“. Марија Наумовска дипломирала на ФМУ во класата на проф. М-р Славица Галиќ –Петровска. Учествувала во првата опера изведена во Битола „Дон Пасквале“, како и во „Аида“ и во „Волшебната флејта“.

Андреја Наунов – бас, пијано, дипломирал на ФМУ, во класата на доцент Симон Трпчески, каде е и на постдипломски студии. Работи какао корепетитор во МОБ и надворешен соработник на ФМУ.

„Нова видеографска продукција во Србија (2008 – 2010)“ ќе биде вечерва прикажана на Факултет за ликовни уметности – Сули ан, со почеток во 21 часот, во рамките на проектот „Видеографија на регионот“, чиј уредник и селектор на програмата е Александра Секулиќ од Белград.

Организатор на гостувањето е Асоцијацијата за култура и уметност„Нова уметност“ од Скопје, а на програмата се видео проекциите: Маријан Холм Хансен: „Повторувај по мене“, 2008 Србија/Велика Британијa; Маријана Маркоска: „Антигени“, 2009; Арјан Брентјес: „Белград“, 2009, Србија/Холандија; „Космопловци“: „Wdiol“, 2009, Србија; Космопловци: „Компјутерот и човековиот ум...“2010, Србија.

Ќе биде претставено и творештво на групата „Доплгенгер“, а е планиран и разговор со Бошко Простран. Публиката ќе има можност да ја види и видео инсталацијата: „Voices -Gazes-Traces“, 2009; експерименталниот филм „Surplus“, 2008; и видео- артот „Code“. Александра Секулиќ дипломирала на Филолошкиот факултет во Белград на отсекот за Општа книжевност и теорија на книжевноста. Магистрирала на Интердисциплинарните студии за менаџмент во културата и културната политика на Балканот. Член е на групата „Медиска археологија“, а соработува и со групата „Космопловци“: Била уредник на програмата на Академскиот филмски центар при Домот на културата „ а меѓудругото ги организирала Фестивалот „Алтернатива филм/видо“ и Фестивалот на електронска уметност „Номад“ и др. (К.Б.)