„Фолтин“, Тони Зен и „Фулстоп“ настапија во чест на Денот на Европа

Македонскиот бенд „Фолтин“, хипхоперот Тони Зен и составот „Фулстоп“ беа дел од музичкиот хепенинг со кој во саботата во Градскиот парк во Скопје беше одбележан Денот на Европа. Македонската и химната на Европа ја изведе детскиот хор „Менада“, а во рамки на хепенингот беше одржан и шаховски турнир. Организатор на хепенингот беше Kанцеларијата на Европската мисија во нашата земја, а пред присутните говореше и градоначалникот на Град Скопје, Коце Трајановски и претседателот на Делегацијата на Европската унија, Аиво Орав.