Изложба „Живот во кутија“ во Прилеп

Фотоизложбата „Живот во кутија“ на Драги Неделчевски ќе биде отворена вечерва во 20 часот, во Центарот за култура во Прилеп. Авторот ќе се претстави со 40 црно-бели фотографии, фотоесеј за неговото дете Мане, заболено од церебрална парализа.

Неделчевски со фотографија се занимава од 1978 година. Претседател е и основач на фотокино клубот,„Чкрап“ од Тетово. Досега реализирал повеќе самостојни и групни изложби, но и повеќе кратки документарни и експериментални филмови.

Првпат се претставува во Прилеп, а изложбата и истоимената книга се дел од проектот на Македонскиот центар за фотографија, поддржан од Швајцарската програма за култура. (К.Б.)