Растат цените на угостителските услуги

Индексот на цените на угостителските услуги во јули годинава е зголемен за 0,2 отсто во однос на јуни, но бележи намалување за 1,1 процент во споредба со јули лани.

Како што соопшти Државниот завод за статистика, зголемување е забележано во групата храна за 0,2 процента, алкохолни пијалаци за 0,9 и безалкохолни пијалаци за 0,7 отсто.

Кумулативниот индекс на цените на угостителските услуги за периодот јануари-јули 2011 година во однос на истиот период лани е намален за 0,7 отсто, а во однос на декември 2010 за 1 процент. (МИА)