Пандев не заигра во Суперкупот

Фудбалерите на Милан, со пресврт во второто полувреме, го совладаа Интер (2:1) и го освоија трофејот во италијанскиот Суперкуп. Мечот се одигра на стадионот „Птичје гнездо“ во Пекинг. Весли Снајдер беше стрелец за „нероазурите“ во 22 минута, Ибрахимовиќ во 61 минута и Боатенг во 69 минута реализираа за „росонерите“.

Нашиот Горан Пандев го започна мечот од клупата и на неа остана сите 90 минути. За него немаше место во визијата на тренерот Џанпјеро Гасперини за овој меч што од друга страна може да се протолкува како сигнал дека може да си бара нова средина. (С.Д.)