На Словенија и' се заканува криза слична на грчката
Љубљана - Централната банка на Словенија ја предупреди владата во Љубљана дека земјата, која досега важеше за пример во Источна Европа, и' се заканува должничка криза слична на грчката. Државниот долг на Словенија веќе надмина 40 отсто од БДП, што е крајно сериозен проблем за малата земја.
„Доколку продолжи вака, наскоро ќе се најдеме во ситуација во која се наоѓаат Грција, Португалија или Ирска“, изјави гув��рнерот на банката на Словенија, Марко Крањец.
Според последните оцени на Европската комисија, буџетскиот дефицит на Словенија до крајот на годината ќе биде на ниво од 5,8 отсто од БДП, во споредба со 5,6 отсто лани.
Државниот долг на Словенија, според предвидувањата, на крајот на декември ќе достигне 42,8 од БДП, иако пред една година беше на ниво од 38 проценти. (МИА) |
