Тргна извозот на зеленчук кон Русија и кон Косово
Во изминатите денови е евидентиран прогрес во извозот на градинарските производи, особено на пазарот на Руската Федерација и во Косово, соопштија од Министерството за земјоделство, шумарство и водостопанство. Оттаму велат дека мерките за обезбедување алтернативни пазари за македонските градинарски производи и контакти со нашите дипломатски претставништва веќе ги даваат првите резултатите. Воедно, сите испораки се документарно проследени со неопходната потврда за фитосанитарна исправност на производите.
Водејќи се од европскиот принцип на следливост на производството „Од нива до трпеза“, Владата и ресорното Министерство гарантираат дека во производството на овошје и на зеленчук се применуваат највисоките стандарди за квалитет и за безбедност. (Ек.Р.) |
