Танцот е универзален јазик

Македонскиот центар на Интернационалниот театарски институт ИТИ – УНЕСКО, по повод Меѓународниот ден на танцот, 29 април 2010 година, традиционално одбележувајќи ги високите цели и идеали на светското танцово семејство и асоцијациите на современиот танцов театар ја упати Меѓународната порака од Хулио Бока (Јулио Боцца, 1967), балетски танчер од Аргентина, еден од најзначајните и најнаградувани танчери на последната деценија на дваесеттиот век.

Во пораката на Бока, меѓу другото се вели: „Танцот е дисциплина, работа, учење, комуникација. Со него заштедуваме зборови кои можеби некои луѓе нема да ги разберат, а за возврат создаваме универзален јазик, разбирлив за сите.

Танцот ни пружа задоволство, не прави да бидеме слободни и ни дава утеха, за невозмножноста да летнеме како птиците и да се приближиме до небото, до светото, до бесконечното. Тоа е возвишена уметност, секогаш различна и толку многу наликува на водењето љубов, така што после секоја претстава не остава со срце кое силно бие, нестрпливи повторно да сме тука за наредената претстава“. (Н.П.)