Дела со св. Климент го исполнија Отвореното графичко студио

Дванаесет дела инспирирани од животот и делото на св. Климент (масла на платно, графики, скулптури), беа изложени вчера во Отвореното графичко студио во рамките на отворената средба со дел од дваесетте автори што ќе учествуваат на изложбата „Климент и Наум наша духовна светлина“, која на 23 декември, на денот на завршувањето на илјада и стогодишнината од смртта на Свети Наум Охридски, ќе биде отворена во Музејот на град Скопје.

Уметниците ќе продолжат со работа и на делата инспирирани од ликот на св. Наум, а според најавите, на 5 јануари 2011 година, треба да се одржи и поетска вечер со поезија за Климент и Наум, во избор на Ефтим Клетников. (К.Б.)