„Дисциплина кичме“ ќе го затвори Скопскиот филмски фестивал

Во Младинскиот културен центар, вечерва ќе се одржи концерт на еден од најатрактивните балкански бендови, „Дисциплина кичме“. Нивниот концерт официјално ќе го означи затворањето на Скопскиот филмски фестивал.

По распаѓањето на „Шарло акробата“, една од највлијателните постпанк/њу вејв-групи на бившите ЈУ-простори, еден од членовите, Душан Коиќ - Која, ја создава можеби најкреативната и најиновативна група на Балканот, „Дисциплина кичме“. Невообичаената музичка конфигурација бас/тапан/вокал многу брзо ги промовира како еден од најдобрите бендови на андрграунд-сцената на овие простори. (Н.П.)