Кристина Агилера

Развод на бракот без страст

Според извештаите на американските таблоиди, пејачката Кристина Агилера се разделува од својот сопруг Џордан Братмен. Поточно 29-годишната пејачка и нејзиниот 33-годишен сопруг веќе со месеци не живеат заедно. Според списанието „Ас викли“, парот кој е во брак од 2005 година и го има двегодишниот син Макс се' уште, дефинитивно, не одлучил дали ќе има развод. Засега само живеат одделно, со цел за да ги решат недоразбирањата. Како што наведуваат американските таблоиди, тие биле многу вљубени, но во последните шест месеци стана повеќе од евидентно дека нивната љубов е само пријателска, но не и брачна. Токму и поради тоа Кристина реши да патува во Италија за да не и' згасне страста, но, сепак, и тоа не и' помогнало. Сега најголема грижа им е синот Макс зашто постои страв дека разводот може лошо да влијае на него. Изворите тврдат дека Кристина е навистина добра мајка, која секогаш нас��ојува на најдобар можен начин да ги балансира работата и мајчинството и дава се' од себе.