Грците штрајкуваат

Не одете во Грција преку Богородица

Грчките полицајци и цариници што работат на преминот Евзони на границата со Македонија од синоќа на полноќ започнаа со 48-часовен штрајк. Според известувањето што го пратиле до македонските колеги на Богородица, на грчката страна воопшто нема да се пропуштаат автобуси и камиони, додека автомобили ќе се пропуштаат на секои два часа.

Од нашето МВР велат дека ќе ги преземат сите мерки за пренасочување на сообраќајот кон премините Стар Дојран и Меџитлија. Воедно, апелираат до граѓаните и до туристичките агенции што во следните два дена организираат патување до Грција да имаат трпение и да го почитуваат режимот на сообраќај. (Г.А.)