Ќе се офајди ли туризмот од владините мерки?

Најавеното намалување на ДДВ од 18 проценти на пет, субвенционирањето на каматите за изградба на мали хотели и инвестирањето во инфраструктурата ќе придонесе за развој на туризмот, оценува Здружението за туризам и угостителство при Стопанската комора на Македонија. Оттаму истакнуваат дека ги поддржуваат сите најавени мерки на Владата што се во насока на поттикнување и развој на туризмот.

„По долги години станавме атрактивна индустрија за Владата и, конечно, сфатија дека туризмот е голем потенцијал како за нови работни места, така и за привлекување странски инвестиции и промоција на културните ресурси што ги имаме. Со новите можности, односно новите факултети и младиот образован кадар, како и со тоа што Владата не' стави во главните приоритети, сметаме дека годинава ќе имаме фидбек“, рече Снежана Јовановска-Трајковска, претседателка на Здружението за туризам и угостителство на денешната прес-конференција во СКМ.

Според неа, треба да се реформира Агенцијата за поддршка на туризмот и да се направи Национална агенција за промоција на туризмот што во соработка со локал��ата самоуправа, бизнис заедницата и Владата. Таа смета дека Македонија има многу слаба понуда имајќи ги предвид природните ресурси со кои располага, а бањскиот туризам е еден од можностите што може да привлече странски туристи. Туризмот учествува со 1,5 проценти во БДП и вработува околу 15.000 луѓе. (МИА)