Луксембург со најевтини бензини

Луксембург е земја во ЕУ каде што полнењето на автомобилите со гориво е најповолно, покажуваат резултатот од истражувањето, објавено од медиумската група Ер-Те-Ел во Белгија. Истражувањето покажува дека најниската цена на горивата е во Луксембург, каде што литар бензин А 95 чини 1,30 евра. Најскапи се горивата во Холандија, каде што литар бензин чини 1,69 евра. Просечната цена на бензинот во тој дел во Европа е околу 1,50 евра, според посоченото истражување. (МИА)