Србија ќе гради соларна електрана

Камен-темелник за изградба на електрана на соларна енергија ќе биде поставен наскоро на планината Златибор, јавуваат српските медиуми.

За таа цел, договор за изградба на миниелектрани и електрани на соларна енергија беше потпишан меѓу „Електростопанството“ на Србија, компанијата „Дунав осигурување“ и општината Чајетина. Според процените, изградбата на соларните колектори на оваа локација ќе чини два милиона евра, а се очекува првиот колектор да биде готов до крајот на годината. (Ек.Р.)