Проширување кај Тутунски комбинат
Градот Скопје од утре започнува со реализација на проектот за реконструкција на улиците и раскрсницата кај Тутунскиот комбинат. Планирана е изградба на нови и проширување на постојните коловози и тротоари на дел од улиците „Трета македонска бригада“, „Пролет“, „Славе Георгиев“, „11 Октомври“, „Иван Козаров“, двата крака од булеварот „Македонија“, како и раскрсниците меѓу нив.
Градежните работи ќе ги изведува „Маврово инженеринг“, кое проектот треба да го заврши во рок од три месеци. На локацијата ќе има посебен сообраќаен режим. (С.Н.) |
