Коце Трајановски: Топлинска енергија од „Дрисла“
Селектирање и рециклирање на отпадот во „Дрисла“ е дел од програмата на градоначалничкиот кандидат Коце Трајановски. При вчерашната посета на депонијата, тој истакна дека со примена на нова технологија, од органскиот отпад ќе се произведува топлинска и електрична енергија.
„Веќе е завршен тендерот за инцелератор за согорување на медицинскиот отпад и неупотребените масла“, рече Трајановски, потенцирајќи дека плазма-технологијата што ја најави Петковски е многу скапа.
Тој најави дека доколку ја добие довербата од скопјани, планира депонијата „Дрисла“ повторно да биде јавно претпријатие. (МИА) |
