Собраниската Комисија за мандатно-имунитетни прашања сепак ќе расправа за имунитетот на Џемаили
Гојко Ефтоски
ТЕТОВО - Пратеникот од ДУИ, Талат Џафери, вчера самоиницијативно се јавил на распит пред судечкиот судија од Основниот суд во Тетово за да го извести дека доброволно се откажува од имунитетот и планира редовно да се појавува на сите судски рочишта. Со тоа делумно им ја олесни работата на членовите на собраниската Комисија за мандатно-имунитетни прашања, кои доцна попладне требаше да се произнесат околу неговиот случај, но и да расправаат по барањето на скопскиот судија Горан Бошевски околу имунитетот на неговиот сопартиец Хисен Џемаили.
Токму прашањето за одземањето на имунитетот на двајцата пратеници на ДУИ и отворањето на хашките случаи ги крена на нозе двете албански партии. По завчерашните итно свикани партиски состаноци, тие излегоа во јавноста речиси со идентични ставови, со кои ја доведуваат во прашање легитимноста на македонските судови да постапуваат по хашките предмети.
„Не сакаме да веруваме дека правосудните органи во Македонија и натаму остануваат заложници на политиката и политичките елити. Особено не сакаме да веруваме дека судовите во земјава спроведуваат политички диктат. Нашиот став за амнестијата и за хашките случаи е многу јасен. Сите четири хашки случаи подлежат на Законот за амнестија и тука нема никакви дилеми. Нашите аргументи ќе ги изложиме на средба со коалиционите партнери“, категорична беше Ермира Мехмети, актуелен пратеник на ДУИ и член на Претседателството на партијата.
Сепак, во нејзиното искажување немаше конкретен став околу четворицата пратеници од ДУИ против кои моментно се води судска постапка. Двајца од нив се инволвирани во хашките случаи, додека за други двајца се води постапка за изборни нерегуларности.
Лидерот на ДПА, пак, Мендух Тачи, рече дека веќе имале нова иницијатива до парламентот и оти во наредните неколку денови и официјално ќе побараат автентично толкување на Законот за амнестија.
Пратеникот Хисен Џемаили е обвинет за малтретирањето на работниците на ГП „Маврово“ кај Желино, додека Хајрула Несими за затворањето на Липковската брана. Против Вулнет Амети и Талат Џафери се води постапка за инциденти сторени за време на предвремените парламентарни избори.
DUI ke bidat teroristicka partija ( sto se pokaza dosega mnogu pati ) ako se obidat da spasat terorist! Ocigledno nekoi pratenici treba da se sovetuvaat so psihijatar zatoa sto samo nenormalni ludje mozat da se izzivuvaat na toj nacin so rabotnicite i celo Kumanovo...Kade odi DUI?Svestete se normalni Albanci kakvi monstrumi stitite!!!
Од: mane
Датум: 26.09.2008 07:10:28
Од македонските албанци се најде еден маж да излезе пред судот. Зошто Ахмети се лигави, па каде е таа храброст ,нека дадозволи неговите непослушни командирчиња да ги пушти пред судот. Зарем само македонските македонци се храбри, па отидоа во Хаг да ги кажат свои приказни за војната. Г-ѓа Теута бара мажи во политиката, но изгледа само она е маж меѓу мажите.Дозволете вашите уметници да му кажат на судијата, дека им било тешко да се борат со тие што носеле оружје, па се бореле со луѓе наоружени со мистрии,метро, чекан, фангла и.т.н. За да не се досадувале, ги покажале своите уметнички склоности. Судијата можеби ќе ги награди или ќе ги плесне по газето и ќе ги прати дома,друг пат така да не прават. Имате упла од судот. Па Г-дин.Али,вие сте храбар човек, ако малку претерале, не дозволувајте образот да ви го валкат. Така ќе останете праведен политичар, а не лигав лидер. Не е касно да го поправете имиџот кој го имате, а го губите бранејки неоговорни луѓе.
