Се предлага закон за студентски правобранител
Предлогот на закон за воведување на институцијата студентски правобранител е изготвен и наредниве денови ќе биде доставен до Владата на Република Македонија. Ова го соопшти претставничката на невладиниот сектор и координаторка на проектот „Антикорупциски мерки во образованието“, финансиран од владата на Кралството Норвешка, Марија Петреска.
„Студентскиот правобранител во иднина ќе биде институција во која студентите ќе имаат доверба и без страв од какви било последици ќе можат да пријават доколку се најдат во ситуација во која им е побарано мито. Така и на полицијата ќе и' биде олеснета работата“, вели Петреска. „Во последната година полицијата направи голем исчекор во напорите за спречување на корупцијата во високото образование“, додава Петреска. (Макфакс) |
