„Лебедово езеро“ повторно на сцена
На сцената на Македонската опера и балет, вечерва во 20 часот, ќе биде изведен најпопуларниот балет на сите времиња, „Лебедово езеро“ од Петар Илич Чајковски. Претставата е во кореографија и режија на Виктор Јаременко од Украина, костимограф е Гана Ипатиева, а сценограф Андреј Злобин, исто така од Украина.
Под диригентската палка на гостинот од Русија, Едуард Амбарцумјан, во главните улоги настапуваат: Александра Мијалкова и Ивана Коцевска како Одета, Одилија, потоа Михаил Пухов (Москва, Русија) како Принцот Зигфрид и Дмитро Чеботар како Ротбар, постојан гостин од Украина. (К.Р.) |
