Хамид Карзаи со 525 долари месечно

Кабул - Авганистанскиот претседател Хамид Карзаи заработува 525 долари месечно, има помалку од 20 илјади долaри во банка и не поседува никакво земјиште или имот, се наведува во извештајот за имотната состојба на претседателот, која денеска ја објави комисијата за борба против корупцијата.

Иако приходите на Карзаи се пет пати поголеми во однос на просечната национална плата, сепак, тие се значително помали во споредба со заработувачката на државниците во западните земји, каде што американскиот претседател Барак Обама заработува околу 400 илјади долари годишно, а британскиот премиер Дејвид Камерон околу 200 илјади долари.