Македонец држел заложници и ограбил златарница во Нов Зеланд. Според тамошните медиуми, станува збор за Ванчо Бојчев, кој е обвинет дека заканувајќи се со оружје,
ограбил златарница во Оукленд. Медиумите пишуваат дека четириесет и четиригодишниот Бојчев (44) се соочил пред Окружниот суд на Норт Шор со три обвиненија за кражба и едно за тежок грабеж по
ограбувањето на златарниците на Такапуна Мајкл Хил на „Херстмер роуд“.
Според детективот Ким Либи, македонскиот државјанин, наводно, влегол во златарницата околу 16,30 часот, носејќи пиштол и околу 15 минути ги држел на нишан тројцата вработени, по што побегнал со украдениот накит. Кусо време потоа, бил уапсен. Никој од вработените во златарницата не е повреден, но поради вознемиреност од инцидентот, биле упатени да побараат соодветна помош. (Х.Р.)
