Како да се заштити Охридско Езеро

ОХРИД - Централната и локалната власт мора заеднички да работат за надминување на проблемите околу загадувањето на Охридско Езеро. „Доколку ги префрламе вината и надлежностите еден врз друг, штети ќе трпат езерото, граѓаните, но и туризмот, како најважна стопанска гранка, особено во овој дел од земјата“, ова го изјави вчера министерот за животна средина и просторно планирање, Неџати Јакупи, на трибината посветена на загадувањето на Охридско Езеро, а иницирана од парламентарната Комисија за транспорт, врски и екологија.

На средбата, на која присуствуваа и градоначалниците на Охрид и на Струга, директорите на општинските комунални претпријатија, претставници на невладини граѓански асоцијации, меѓу другото, беше предложено пренасочување на реките кои се најголеми загадувачи и изградба на пречистителна станица. (МИА)