Челзи дава 50 милиони евра за Пасторе

Лондонскиот премиерлигаш Челзи е подготвен да плати цело богатство за 21 годишниот атрактивен плејмејкер на Палермо, Хавиер Пасторе. Иако, претседателот на сицилијанскиот клуб Маурицио Зампарини, кој го купи Пасторе за мали пари од аргентинскиот првак Хуракан, не сакаше досега да чуе за продажба на својот дијамант, но понудата од 50 милиони евра, наводно, го разгалила.

Фудбалерот кого го споредуваат со Кака и со Зидан, иако по стилот е најблизок до Руи Кошта, веќе на радар го имаат сите најдобри клубови: Барселона, Реал, Милан, Манчестер...

Партизан го донесе ЛафаЈет како замена за Мекејлеб

Кошаркарскиот клуб Партизан и официјално го ангажираше новиот плејмејкер, 26-годишниот Американец, Оливер Лафајет, кој потпиша едногодишен договор.

Тој по настапот за универзитетот „Хјустон“ во 2008 година мина во професионалци. Ова лето одигра еден меч за Бостон, на кој запиша седум поени со четири скока и две асистенции.

„Прв пат сум во Белград, а за Партизан сум слушал многу уб��ви нешта. Тим кој со успех игра на европската сцена веќе подолго време. Едвај го чекам првиот натпревар“, вели Лафајет, кој доаѓа во Партизан како замена за репрезентативецот на Македонија и нов член на Монтепаски, Бо Мекејлеб.